APPLY Now

3 Day Training FASBO

Media School ku proyekto di Media na FASBO 

Studiantenan di Frater Aurelio SBO ta finalisá nan aña eskolar ku un proyekto di media intensivo organisá pa Media School. 

E ophetivo di e proyekto aki tabata pa duna studiante e konosementu di media i abilidat nesesario pa por krea material promoshonal pa FASBO. Enkuanto esaki Media School a duna e studiantenan durante 3 dia largu 4 diferente workshop kual tabata: Web Design & Development, Graphic Design, Photography i tambe Video Production.

Studiantenan por a inskribí di antemano pa e workshop ku nan tabata ke partisipá na dje i kada grupo a haña e oportunidat pa aportá di e forma aki na nan skol. E proyekto aki tabatin un resultado tremendo ya komo e studiantenan mes por a krea short film, saka potrèt, traha diferente flyer i poster i tambe un website pa nan skol.

Esaki sigur lo yuda promové Frater Aurelio SBO den futuro. Chèk e potrètnan i video pa asina bo por haña un bista di kon great tabata!